Կիևում դիպուկահարները գործել են ընդդիմությա՞ն հրամանով (աուդիո)

Համացանցում հայտնվել է Էստոնիայի ԱԳՆ ղեկավար Ուրմաս Պաետի և եվրոպական դիվանագիտության ղեկավար Քեթրին Էշթոնի հեռախոսազրույցը, որը տեղի է  ունեցել փետրվարի 26-ին: Էստոնիայի ԱԳՆ-ն արդեն հաստատել է ձայնագրության իսկությունը:

Ձայնագրության համաձայն՝ զրուցակիցները քննարկել Ուկրաինայում ստեղծված իրավիճակը: Պաետը Էշթոնին պատմում է այն մասին, որ Կիևում մարդկանց վրա կրակում են դիպուկահարները: Միևնույն ժամանակ, նա ընդգծում է, որ իշխանության եկած ընդդիմությունը չի ցանկանում հետաքննել կատարվածի հանգամանքները: Պաետը նշում է, որ դա տեղիք է տալիս մտածելու, որ դիպուկահարների հետևում կանգնած է ոչ թե Յանուկովիչը, այլ նոր կոալիցիայից ինչ-որ մեկը:

Էստոնացի նախարարը հայտարարել է, որ դեռ պատրաստ չէ մեկնաբանել ձայնագրությունը: