Որտեղի՞ց Պուտինին 50 մլրդ դոլար` օլիմպիական խաղերը կազմակերպելու համար

The Financial Times-ն անդրադարձել է Սոչի օլիմպիական խաղերին, մասնավորապես՝ դրա վրա ծախսված ահռելի գումարներին:

Որտեղի՞ց է ՌԴ նախագահ Վլադիմիր Պուտինը  50 մլրդ դոլար հայթայթել Սոչիի օլիմպիական խաղերի համար. հարցնում է The Financial Times պարբերականը և առաջարկում է պատասխանը փնտրել «Գազպրոմ»-ի` Գերմանիայի, Ուկրաինայի և այլ բաժանորդների մոտ, որոնք գազի համար բարձր գին են վճարում. հայտնում է BBC Russian-ը:

Ըստ թերթի՝ գազի արտահանումից ստացված եկամուտները թույլ են տվել Վլադիմիր Պուտինին վարել ավելի ագրեսիվ արտաքին քաղաքականություն և ֆինանսավորել պատմության մեջ ամենաթանկ օլիմպիական խաղերը։

«Ամերիկայում  «Գազպրոմի» համարժեքը չկա։ Սակայն էներգետիկ հեղափոխությունը ԱՄՆ-ում թույլ կտա թուլացնել հարևան պետությունների նկատմամբ Ռուսաստանի ճնշումը։ Բարաք Օբաման դեռ հնարավորություն ունի փոփոխելու խաղի կանոնները»,- գրում է թերթը։