Ադրբեջանն ուժ չունի` իր անզորությունը խոստովանելու Արմեն Հովհաննիսյանի դեմ

Երկրապահ կամավորականների միության 10-րդ համագումարում ՀՀ ՊՆ նախարար Սեյրան Օհանյանը նշեց, որ մեր ուժը, անկոտրում կամքը աննահանջ կռիվն էր, որ Արցախին հնարավորություն եւ ժամանակ տվեց ստեղծելու զինված ուժեր:

Ըստ նախարարի` ԵԿՄ 10-րդ համագումարը կայանում է անհանգիստ իրավիճակում, քանի որ հակառակորդը ժամանակ առ ժամանակ դիմում է վախկոտ հարձակումների, որոնք, հանդիպելով մեր 19-20 տարեկան զինվորների անկոտրում դիմադրությանը, հետ են մղվում:

«Ադրբեջանն ուժ չունի` իր անզորությունը խոստովանելու մեր կրտսեր սերժանտ Արմեն Հովհաննիսյանի եւ նրան պես մյուս զինվորների դեմ: Հավաստիացնում եմ, որ հայկական բանակի ստորաբաժանումներն ի զորու են երկար ճանապարհով հետ մղել կամ որջում խեղդել ցանկացած հարձակում: Խոստանում եմ ամեն ինչ անել` ավելի ամուր դարձնելու հայկական բանակը, քանի որ դա է մեր հզորացման ճանապարհը: Շնորհակալ ենք բոլոր այն կռված տղաներին, որոնք պատրաստ են դժվարին պահերին կանգնել այսօրվա զինվորի կողքին»,- ասաց նախարարը: