Տնից խնդիրը երբեք դուրս չէր եկել. Կամո Հովհաննիսյան

Տարիների ընթացքում մի շարք խնդիրներ եւ դժվարություններ ենք ունեցել, բայց տնից դուրս չի եկել խնդիրը. լրագրողների հետ զրույցում ասաց օպերայի և բալետի ազգային ակադեմիական թատրոնի տնօրեն Կամո Հովհաննիսյանը` անդրադառնալով երեկ երեկոյան «Անուշ» օպերայի տապալմանը: Նա հավաստիացնում է, որ շատ է ազդվել երեկվա դեպքից:

«Թատրոնում 200-ից ավելի աշխատող կա, ում վրա տարածվում է պարտադիր կենսաթոշակայինը: Պահում արել ենք, բայց չենք փոխանցել: Պատկերացնում եք` եթե որոշվի, որ օրենքը գործում է, որքան դժվար կլինի միանգամից երեք ամսվա պահում կատարել: Մյուս կողմից` ես սիրով կկատարեի այդ փոխանցումը, եթե այդ տարիքում լինեի, քանի որ, այո, օրենքը լավն է»,- ասաց Հովհաննիսյանը:

Ըստ նրա` հունվար ամսից կոլեկտիվների մեծ մասի աշխատավարձերը 20 տոկոսով բարձրացել են, սակայն փոխանցումները արվելու են փետրվարից, քանի որ դա այնքան էլ հեշտ գործընթաց չէ, եւ հաշվարկների հետ կապված` տեխնիկական խնդիրներ կան:

Մանրամասները` տեսանյութում: