ԼՂՀ-ի ճանաչումը պետք է սկսվի Ռուսաստանից. ուկրաինացի փորձագետ

Ուկրաինացի հայտնի քաղտեխնոլոգ Վիկտոր Ուկոլովը մեկնաբանել է Եվրախորհրդարանի ավստրիացի պատգամավոր Էվալդ Շտադլերի՝ ԼՂՀ-ի անկախության ճանաչման վերաբերյալ հայտարարությունը. հայտնում է Аспекты.net-ը:

Փետրվարի 5-6-ը Ստրասբուրգում կայացել է  Հայաստան-Եվրամիություն խորհրդարանական համագործակցության 14-րդ նիստը։ Մեկնաբանելով Ղարաբաղյան հակամարտության լուծման հնարավորությունը` առանց պաշտոնական  Ստեփանակերտի մասնակցության՝ Շտադլերը նշել էր. «Եվրոպական Միությունն ու այդ միության երկրները պետք է ճանաչեն ԼՂՀ-ն` որպես ինքնիշխան պետություն։ Այդ պատճառով ես նախատեսում եմ Ավստրիայում ստեղծել Ավստրիա-ԼՂՀ բարեկամության խումբ»։

Փորձագետի խոսքով՝  առաջին հերթին ԼՂՀ անկախությունը պետք է ճանաչի Ռուսաստանը՝   որպես հիմնական պետություն, որն ազդում է տարածաշրջանային իրավիճակի վրա։