Արևմտյան մամուլը՝ օլիմպիական խաղերի բացման արարողության մասին

Արևմտյան ԶԼՄ-ները տարատեսակ կարծիքներ ունեն Սոչիում երեկ տեղի ունեցած` XXII օլիմպիական խաղերի բացման արարողության մասին:

Ամենաքննադատական արձագանքը Washington Post-ինն է: Ըստ թերթի՝ արարողությունը առանձնակի շքեղություն չի ունեցել՝ չնայած ծախսված 51 մլրդ դոլարին, իսկ նպատակը մեկն էր` բարձրացնել Պուտինի հեղինակությունը:

New Yorok Times-ը արարողությունում  Խորհրդային միության տխուր պատմության և ստալինյան ժամանակների ակնարկ է տեսել:

Guardian-ը, օրինակ, այլ կարծիքի է` համարում է, որ ստալինյան ռեպրեսիաների ոչ մի ակնարկ չի արվել:

Մեկ բանում, սակայն, ԶԼՄ-ների մեծամասնությունը  համակարծիք է` Սոչիի օլիմպիական խաղերն ամենաթանկարժեքն են  պատմության մեջ: