Երկիրը տանուլ ենք տալիս, տղերք. Էդիկ Բաղդասարյան

Մենք երկիրը տանուլ ենք տալիս, տղերք: Բռնելու ոչ մի տեղ չեք թողել, բոլոր հենման կետերը մեկիկ-մեկիկ ջարդուխուրդ եք արել: Ձեր արժեհամակարգը, միեւնույն է, չենք ընդունելու: Մնացել ենք այնքան, որքան պիտի մնայինք, ինչպես ռազմի դաշտում այն բարեբեր եւ երանելի տարիներին, գնում էին այնքան, որքան պիտի գնային: Բնության օրենքով է այդպես: Երկիրը դատարկելու ձեր բոլոր ջանքերն այլեւս արդյունք չեն տալու: Մնացել ենք այնքան, որքան պիտի մնայինք: Իսկ սա մնացածներիս երկիրն է, մենք եւ դուք, դեմ-դիմաց, ու արդեն գիտեք, որ մենք երկիրը լքողներ չենք, մնում եք՝ դուք: Գտեք ձեր տեղը, բայց մի փնտրեք այն մեր կողքին, ուրիշ վայրերում փնտրեք ձեր ապրելու տարածքը: Դուք իրականության զգացողությունը կորցրել եք: Այստեղ արեւմտամետ կամ ռուսամետ լինելու, իշխանություն տալու-չտալու հարց չի այլեւս, տղերք երկիրն ենք տանուլ տալիս:

Գրառումը` Էդիկ Բաղդասարյանի facebook-ի էջից