Ադրբեջանն ամեն ինչ անում է` ստատուս քվոն պահպանելու համար. փոխարտգործնախարար

Սահմանին Ադրբեջանի ծավալած դիվերսիոն գործողությունները որեւէ դրական ազդեցություն չեն կարող թողնել Ղարաբաղյան հակամարտության խաղաղ կարգավորման բանակցային գործընթացի վրա. կառավարությունում այսօր լրագրողներին ասաց ՀՀ փոխարտգործնախարար Շավարշ Քոչարյանը:

Ըստ նրա` միջազգային հանրության ու նաեւ համանախագահների հիմնական պահանջն այն է, որ պետք է ժողովուրդներին պատրաստել ոչ թե պատերազմի, այլ խաղաղության:

«Բնական է, որ այդպիսի գործողությունները չեն կարող որեւէ դրական ազդեցություն ունենալ: Այսինքն` այն, ինչն ամբողջ օրը իբր ողջունում է Ադրբեջանը, որ իբր չպահպանվի ստատուս քվոն, նա ամեն ինչ անում է ստատուս քվոն պահպանելու համար»,- շեշտեց Շավարշ Քոչարյանը: