Փոխքաղաքապետը` տրանսպորտի ուղեվարձի բարձրացման մասին

Երեւանում հասարակական տրանսպորտի սակագնի հարցը քննարկող հանձնաժողովը շարունակում է իր աշխատանքը. լրագրողների հետա հանդիպման ժամանակ ասաց Երեւանի փոխքաղաքապետ Կամո Արեյանը: «Վերջին նիստը եղավ բաց, հրապարակային, հանձնաժողովի նախագահն ու ներկա բոլոր անդամները տվեցին համապատասխան տեղեկատվությունը, ես ավելացնելու ոչինչ չունեմ վերջին հայտարարության վրա»,- նշեց նա: 

Ըստ Արեյանի` հանձնաժողովի աշխատանքների ավարտից հետո կտրվի համապատասխան տեղեկատվություն եւ կհրապարակվի եզրակացությունը: «Ավելի սպառիչ բան չեմ կարող ասել»,- ընդգծեց նա:

Իսկ այն լուրերի վերաբերյալ, թե մարտ-ապրիլ ամիսներին, այնուամենայնիվ, նախատեսվում է հասարակական տրանսպորտի թանկացում, Կամո Արեյանը նշեց, որ նման հայտարարություն չի եղել հանձնաժողովի կողմից, եւ, առհասարակ, որեւէ պաշտոնական հայտարարություն չի եղել` այդ առումով: