Թուրք նախարարի որդուն ձերբակալած ոստիկանապետին նշանակել են այլ պաշտոնի

Կ.Պոլսի դեկտեմբերի 17-ի հակակոռուպցիոն գործողությունից հետո ոստիկանապետերին գործից ազատելու կամ ուրիշ պաշտոնների նշանակելու գործընթացը շարունակվում է:

Ըստ milliyet-ի` մայրաքաղաք Անկարայի ոստիկանությունում 77 ոստիկանապետեր նշանակվել են այլ պաշտոնների: Նրանց թվում են նաև ոստիկանապետեր, որոնց արդեն 3 անգամ նշանակել են այլ պաշտոնների:

Դեկտեմբերի 17-ի գործով Թուրքիայի էկոնոմիկայի նախարար Զաֆեր Չաղլայանի որդուն ձերբակալած ոստիկանապետին նույնպես նշանակել են այլ պաշտոնի:

Ըստ տեղեկությունների` պաշտոնից հեռացնելու և այլ պաշտոնների նշանակելու գործընթացը շարունակվելու է:

Նշենք նաեւ, որ նախարարը հրաժարական էր տվել որդու անունը «կաշառակերության և կոռուպցիայի» ցուցակում հայտնվելուց հետո: