ԵՄ-ն հրապարակել է Ուկրաինայի հետ համաձայնագրի ամբողջական տեքստը

ԵՄ-ն հրապարակել է Ուկրաինայի հետ Ասոցացման մասին համաձայնագրի ամբողջական տեքստը. հայտնում է РИА Новости-ն:

Ավելի վաղ տեքստի հրապարակման մասին Twitter-ի իր էջում գրել էր ԵՄ ընդլայնման եւ հարեւանության քաղաքականության հարցերով եվրահանձնակատար Շտեֆան Ֆյուլեն. «Ուկրաինա. Ասոցացման համաձայնագրի ամբողջական տեքստը կհաստատի ԵՄ առաջարկների ձեռնտու լինելը եւ վերջ կդնի գոյություն ունեցող առասպելներին»:

Նախագծում, մասնավորապես, ասվում է. «Կողմերը կշարժվեն ազատ առեւտրի գոտու ստեղծման ուղղությամբ անցումային փուլի ընթացքում՝ համաձայնագրի` ուժի մեջ մտնելու պահից 10 տարվա ընթացքում»:

Մաքսատուրքերի վերաբերյալ փաստաթղթում ասվում է. «Կողմերից յուրաքանչյուրը կնվազեցնի կամ կհանի մաքսատուրքերը մյուս կողմի ապրանքների համար՝ համաձայնագրի նախագծի հավելվածում ներկայացված գրաֆիկին համապատասխան»: