Պարբերաբար օգտագործել, ծխել է. Յուրի Վարդանյանը` որդու` մարիխուանա օգտագործելու մասին

Սպորտի եւ երիտասարդության հարցերի նախարար Յուրի Վարդանյանի համար 2013 թվականը ե'ւ բարեհաջող էր, ե'ւ անհաջող: Թեեւ նշանակվեց նախարար, բայց մի քանի ամիս առաջ որդու հետ կատարվածը, կարծես, ստվերեց նրա հաջողությունը:

Պարզվում է` Յուրիի Վարդանյանը, որդու հետ կապված, ամանորյա ցանկություն  չունի: Yerkir.am-ի հետ զրուցում նա ասաց, որ այս ընթացքում ոչ մի անգամ չի այցելել որդուն, դեռ զայրացած է եւ համարում է, որ ամեն մարդ իր սխալի համար պետք է պատասխանատվություն կրի:

«Երեւի Ամերիկայից նվեր ստացած մի բան էր, որ պարբերաբար օգտագործել է, ծխել է: Ծխելու մասին է խոսքը գնում, բացարձակապես ուրիշ բան չի եղել: ԱՄՆ-ում լայն տարածված է, երրորդ դասարանում` անգամ: Բայց ես իրեն մի բան եմ ասել` ում երեխան անի-չանի, դու իրավունք չունես անել, մեր գերդաստանում նման բան չի եղել, ինչի՞ պետք է իմ տղան մարիխուանա ծխի»,- ասաց Յուրի Վարդանյանը: