Զարուհի Փոստանջյանը չի վիճարկում ԱԺ հաշվիչ հանձնաժողովի որոշումը

Այսօր լրագրողների հետ հանդիպման ժամանակ Զարուհի Փոստանջյանը խոսելով ԱԺ հաշվիչ հանձնաժողովի արտահերթ նիստի մասին, կարծիք արտահայտեց, որ այդ նիստը և նիստի ժամանակ կայացրած որոշումը եղել է օրենքի տառին համապատասխան:

«Ես չեմ վիճարկում այդ որոշումը, որովհետև այն բացարձակ օրենքի տառին համապատասխան է եղել»,- ասաց Զարուհի Փոստանջյանը: Ինչ վերաբերվում է գազային պայմանագրերի քվեարկության հետ կապված ՍԴ դիմելուն, նա նշեց, որ ընդդիմության օրակարգում խնդիրը ոչ թե ՍԴ դիմելն է, այլ հրապարակներում քաղաքացիներին համախմբելը:

Զարուհի Փոստանջյանի համոզմամբ՝ դա հասարակության կողմից առաջարկ է ու պատվեր, որն ընդդիմությունը պարտադիր պետք է իրականացնի: