Հայերը բոլորից շատ են ցավում ԽՍՀՄ-ի փլուզման համար

Հետխորհրդային պետությունների բնակիչների մեծամասնությունը կարծում է, որ ԽՍՀՄ-ի փլուզումը ավելի շատ օգուտ է տվել, քան վնաս: Այդ մասին են վկայում Gallup-ի անցկացրած հարցումները:

Ըստ Азия-Плюс-ի՝ հարցվածներից  յուրաքանչյուր երկրորդը վստահ է, որ ԽՍՀՄ-ի փլուզումը վնասել է այն երկրին, որտեղ ինքը բնակվում է: Հարցումների համաձայն՝ ամենաշատը ԽՍՀՄ-ի փլուզման համար ցավում են Հայաստանի և Ղրղզստանի բնակիչները (66% և 61%): Ռուսաստանի (55%) և Ուկրաինայի (56%) բնակիչները նույնպես կարծում են, որ ԽՍՀՄ-ում կյանքն ավելի բարեկեցիկ էր:

Ղազախստանի(45%), Ադրբեջանի (44%) և Վրաստանի (37%) բնակչությունը հակառակ կարծիքին է. այստեղ համոզված են, որ ԽՍՀՄ-ի փլուզումն ավելի շատ առավելություններ տվեց, քան վնաս: