Արդարադատության նախարարությունը` Թամամյանին ազատելու մասին

Երեկ երեկոյան Aysor.am-ը գրել էր, որ ՀՀ ոստիկանության քրեական հետախուզության գլխավոր վարչության նախկին պետ Հովհաննես Թամամյանն ազատ է արձակվել: Այդ մասին կայքի թղթակցի հետ զրույցում հայտնել էր նրա փաստաբան Արտավազդ Փարսադանյանը:

Yerkir.am-ի հետ զրույցում ՀՀ արդարադատության նախարարության քրեակատարողական վարչության հանրային կապերի բաժնի պետ Գոռ Ղլեչյանը նշեց, որ  «Երևան-Կենտրոն» ՔԿՀ-ն Թամամյանի պայմանական վաղաժամկետ ազատման մասին միջնորդություն էր ներկայացրել դատարան, որը երեկ երեկոյան  բավարարվել էր: Ղլեչյանի խոսքով` Թամամյանն ազատ է արձակվել երեկ երեկոյան ` ժամը 20:00-ի սահմաններում Հիշեցնենք, որ Կենտրոն և Նորք-Մարաշ վարչական շրջանների ընդհանուր իրավասության դատարանի վճռով Թամամյանը ճանաչվել էր մեղավոր ՀՀ քրեական օրենսգրքի 308-րդ հոդվածի 1-ին և 308-րդ հոդվածի 2-րդ մասերով նախատեսված հանցագործությունների կատարման մեջ և դատապարտվել 4 տարվա ազատազրկման: