Մեղքի ընդունման հարց չի դրվել. Խոդորկովսկի

Հայտնի է, որ երեկ ՌԴ նախագահ Վլադիմիր Պուտինը ստորագրել է Միխայիլ Խոդորկովսկուն ներում շնորհելու մասին հրամանագիրը: Ռուսական ЮКОС նավթային ընկերության նախկին ղեկավար Միխայիլ Խոդորկովսկին ներման խնդրագիր էր գրել հատուկ ծառայությունների աշխատակիցների հետ զրույցից հետո:

Ազատության մեջ հայտնվելուց հետո Խոդորկովսկին հայտարարությամբ է հանդես եկել և պարզաբանել, որ ներման խնդրագիրը  չի խոսում այն մասին, որ ինքն ընդունել է իր մեղքը: «Մեղքն ընդունելու հարց չի դրվել»,- ասել է նա:

Խոդորկովսկին նաև նշել է, որ առաջին հերթին ցանկանում է հանդիպել ընտանիքի հետ և հարազատների շրջապատում դիմավորել Նոր տարին: