2013-ին 700 սփյուռքահայ է ՀՀ բուհեր ընդունվել

2013-ին ՀՀ բուհեր են ընդունվել 1200 օտարերկրացի ուսանողներ, որոնցից 700-ը սփյուռքահայեր են. լրագրողների հետ հանդիպման ժամանակ ասաց ՀՀ ԿԳ նախարար Արմեն Աշոտյանը:

Նախարարը տեղեկացրեց նաեւ, որ ընդունելություն է իրականացվել նաեւ միջին մասնագիտական ուսումնական հաստատություններում. ընթացիկ տարում 75 սփյուռքահայ ընդունվել է միջին մասնագիտական ուսումնական հաստատություններ:

«Բարձրագույն եւ հետբուհական մասնագիտական կրթություն ստանալու նպատակով նախարարության կողմից 2013-2014 ուսումնական տարում օտարերկրյա պետություններ են գործուղվել շուրջ 160 ուսանողներ: Նրանք իրենց ուսումը շարունակում են Վրաստանում, Ռուսաստանում, Լեհաստանում, Բուլղարիայում, Ռումինիայում, Չինաստանում, Հորդանանում, Սլովակիայում, Իրանում եւ այլ երկրներում»,- ասաց Աշոտյանը: