180 մլն դրամ` ″Գյումրին ԱՊՀ մշակութային մայրաքաղաք″ ծրագրի համար

2013-ին Գյումրին ԱՊՀ մշակութային մայրաքաղաք էր հռչակվել: Լրագրողների հետ հանդիպման ժամանակ ՀՀ մշակույթի նախարար Հասմիկ Պողոսյանը նշեց, որ դա լուրջ միջոց էր` Գյումրիի մշակույթը վերածնելու համար, քանի որ ծրագրի ընթացքում անդրադարձ է կատարվել մշակութային բոլոր ճյուղերին:

«Գյումրիին այս տարի ՀՀ պետբյուջեից 180 մլն դրամ էր հատկացվել` տոնական միջոցառումներն իրականացնելու համար, սակայն միջոցառումների գլխավոր բեռն ընկած էր Հումանիտար համագործակցության միջպետական հիմնադրամի վրա: Նրա աջակցությամբ էլ տեղի ունեցավ գլխավոր իրադարձությունը` ծրագրի փակման արարողությունը, որի համար Հայաստան էր ժամանել Վլադիմիր Սպիվակովը»,- ասաց Պողոսյանը:

Նախարարը նշեց նաեւ, որ անհրաժեշտ է պահել այն ռիթմը, որով սկսել են տարին. «Մեր ամանորյա օրերից մեկը նույնպես գյումրեցիների հետ կանցկացնենք»: