Կգա ժամանակ, երբ բոլորը կմտնեն կուտակային համակարգի տակ. Աղվան Վարդանյան

Այսօր ԱԺ արտահերթ նիստում ԱԺ ՀՅԴ խմբակցության քարտուղար Աղվան Վարդանյանը, խոսելով կուտակային կենսաթոշակների վերաբերյալ ռեֆորմի մասին, կարծիք հայտնեց, որ գործատուներն ավելի են մտածում քաղաքացիների մասին, քան պետությունը: Նրա խոսքով` ինչ-որ տեղ հասկանալի է , որ գործատուն ունենա մինչեւ 1000 աշխատող, որից 200-300-ը պարտադիր կուտակային կենսաթոշակի են անցնելու, բայց գալու է մի ժամանակ, երբ բոլորն են մտնելու համակարգի տակ, եւ պետությունը չի կարողանալու կատարել իր պարտավորությունները քաղաքացիների հանդեպ:

«Ես ուզում եմ, որ հանրության մեջ չմեռնի պետության գիտակցությունը, եւ մենք հասկանանք, որ գործ ունենք արժեքային այլ համակարգի հետ: Ոչ իշխանական խմբացությունները պատարստվում են դիմել Սահմանադրական դատարան: Մենք ակնկալում ենք, որ քաղաքական մեծամասնությունը, իշխանությունը կտեսնի այս խնդիրների ամբողջ թնջուկը եւ փոփոխությունների կենթարկի համակարգը»,- ասաց պատգամավորը: