Թուրքերը ոտնահարում են քրիստոնյաների կրոնական զգացմունքները

Կ.Պոլսի ամեակարևոր պատմական արժեքներից մեկը համարվող Սբ Սոֆիան Հունաստանի և Թուրքիայի միջև բանավեճի պատճառ է դարձել:

Ըստ taraf.com-ի` ՅՈՒՆԵՍԿՕ-ի աշխարհի ժառանգության ցուցակում տեղ գտած` 1476 տարվա բյուզանդական արժեքը մզկիթի վերածելու` փոխվարչապետ Բյուլեն Արընչի հայտարարությունը Աթենքում մեծ աղմուկ է բարձրացրել:

«Բարձրաստիճան թուրք իշխանությունների` Բյուզանդիայի քրիստոնեական եկեղեցիները մզկիթի վերածելու հայտարարությունները միլիոնավոր քրիստոնյաների կրոնական զգացմունքներն են ոտնահարում»,- ասել է Հունաստանի արտաքին գործերի նախարարությունը:

Թուրքիայի կառավարությունը, ի պատասխան, նշել է. «Ձեզանից չենք սովորելու, թե ինչ պետք է անենք: Թուրքիան կրոնական ազատությունների մասին ոչինչ չունի Հունաստանից սովորելու: Աթենքը, չնայած հազարավոր թուրք բնակիչների առկայությանը, Եվրոպայի միակ մայրաքաղաքն է, որտեղ մզկիթը ծիսական արարողությունների համար բաց չէ»: