Հնչակյան թնջուկ

«ՀՐԱՊԱՐԱԿ»-ը գրում է, որ երեկ վճռաբեկ դատարանը մերժել է ԱԺ պատգամավոր Լյուդմիլա Սարգսյանի հայցն ընդդեմ ՍԴՀԿ ատենապետ Գեւորգ Պերկուպերկյանի, որով նա պահանջում էր չեղյալ համարել ՍԴՀԿ 8-րդ  համագումարի արձանագրությունը: Ըստ այդ արձանագրության, կուսակցության ատենապետ է ընտրվել Գեւորգ Պերկուպերկյանը: Հիշեցնենք, որ կուսակցությունը պառակտվեց՝ մի մասն անցավ Սեդրակ Աճեմյանի հովանու տակ, իսկ Լյուդմիլա Սարգսյանն իր թիմակիցներով մնաց Լեւոն Տեր-Պետրոսյանի թիմի հետ: Սեդրակ Աճեմյանն էլ կուսակցության ատենապետի պաշտոնը վստահեց Գեւորգ Պերկուպերկյանին: Ի դեպ, ՍԴՀԿ-ն պատրաստվում է դիմել ԴԱՀԿ, որպեսզի Լյուդմիլա Սարգսյանից ստանա կուսակցության փաստաթղթերը: