Օսիպյանը հասավ ''դեպքի վայր''

Կենսաթոշակային համակարգի պարտադիր կուտակային բաղադրիչի դեմ պայքարող հարյուրավոր քաղաքացիների բողոքի ակցիան շարունակվում է ՀՀԿ Կենտրոնական գրասենյակի մոտ:

Բողոքի ակցիայի մասնակիցները պահանջում են, որ ՀՀԿ-ականները ներկայանան ԱԺ արտահերթ նիստին: Նրանք հիշեցրեցին, որ ԱԺ ՀՀԿ խմբակցության ղեկավար Գալուստ Սահակյանն ասում էր, որ չեն բոյկոտի արտահերթ նիստը, բայց, փաստորեն, խաբեց:

«Գա-լուստ, խա-բե-բա»,- վանկարկում են ակցիայի մասնակիցները:

Ըստ նրանց` ՀՀԿ-ն փախչում է բոլոր տեսակի քննարկումներից եւ ներկայանում է ՀՀԿ-ի տատիկի տեսքով: «ՀՀԿ եւ ՕԵԿ, ա-մոթ»,-բղավում են ակտիվիստները:

Նշենք, որ արդեն ժամանել է Երեւանի փոխոստիկանապետ Վալերի Օսիպյանը, նա հորդորում է չփակել մայթը: Բողոքի ակցիայի մասնակիցներն էլ ասում են, որ անցորդների անցուդարձին իրենք չեն խոչընդոտում: