ԱԺ ՀՅԴ խմբակցությունը հանդես կգա միջնորդությամբ

Yerkir.am -ի հետ զրույցում ԱԺ ՀՅԴ խմբակցության  անդամ Աղվան Վարդանյանը  տարակուսանք հայտնեց Վարդան Պետրոսյանին հապշտապ կալանավորման առիթով.

«Տեղի է ունեցել ողբերգություն: Ավտովթարի արդյունքում  մահացածների  ընտանիքների  համար անասելի ծանր է կորուստների հետ համակերպվելը: Ցավակցում եմ այդ ընտանիքներին, խորապես ցավում եմ այդ  երիտասարդների համար: Սակայն պետք է հասկանանք, որ  Վարդան Պետրոսյանը այն անձը չէ, որ կխուսափեր քննությունից կամ կփորձեր խոչընդոտել հետաքննության ընթացքին: Ավելին`  նա նաև այն հանցագործը չէ, որին  հապշտապ պետք էր մեկուսացնել հասարակությունից: 

Ընթանում է քննություն, և եթե պարզվի, որ Վարդան Պետրոսյանը մեղավոր է, միանշանակ  է` օրենքի սահմաններում  կկրի իր պատիժը, բայց նման  վերաբերմունքը սիրված դերասանի նկատմամբ,  անհասկանալի է:  

ԱԺ ՀՅԴ խմբակցությունը վաղը հանդես կգա նախաձեռնությամբ. կմիջնորդենք, որ փոխվի Վարդան Պետրոսյանի խափանման միջոցը և քննությունը ընթանա նույն այդ ավտովթարի արդյունքում առաջացած առողջական խնդիրների  բուժմանը  զուգահեռ»: