Ինչ կապ ունի ''Գեզի'' այգին ուսանողների կացարանի հետ

Վերջերս Թուրքիայի վարչապետ Ռեջեփ Թայիփ Էրդողանի արած հայտարարությունը, թե աղջիկ-տղա ուսանողների` կացարանում միասին ապրելը խստիվ արգելվելու է, մեծ աղմուկ էր առաջացրել Թուրքիայում:

Ինչպես հայտնում է taraf.com-ը, «Արդարություն և զարգացում» կուսակցությունը Էրդողանի այս հայտարարությունը կապել է «Գեզի» այգու դեպքերի հետ` ասելով. «Վարչապետը թե' ղեկը ձեռքում պահելու, թե' «Գեզի» այգում հնարավոր նոր դեպքերը կանխելու համար է ընդունել այս որոշումը: «Գեզի» այգու իրադարձություններն ուղղված էին կառավարության փլուզման դեմ»:

Հիշեցնենք, որ «Գեզի» այգու (որտեղ նախկինում Ս. Հակոբ հայկական գերեզմանատունն է եղել) ցույցերը տեղի ունեցան, երբ Թուրքիայի կառավարությունը այգու վայրը փոխելու և առևտրի կենտրոն կառուցելու որոշում ընդունեց: