Ցեղասպանության ականատեսների վկայությունները փոխանցողները մենք ենք լինելու. Ռաքել Դինք

Երեկ Բողազիչի համալսարանի «Ալբերտ Լոնգ» սրահում հավաքվածների նպատակը մեկն էր` 1915 թվականի Ցեղասպանությունից հետո մուսուլմանությունն ընդունած հայերի` մինչև օրս չբացահայտված և արհամարհված պատմությունների մասին լսելը. հաղորդում է taraf.com-ը:

«Հրանտ Դինք» հիմնադրամի, «Մալաթիա ՀայԴեր»-ի և Բողազիչի համալսարանի միահամուռ ջանքերով իրականացված համաժողովի բացման խոսքով հանդես եկավ Ռաքել Դինքը:

«Մենք այստեղ ենք, որպեսզի խոսենք մինչև օրս անտեսվածների մասին: Ցեղասպանության ականատեսների վկայությունները փոխանցողները մենք ենք լինելու: Խիղճը և Ցեղասպանությունը կարող ենք հերքել, բայց այս ցավն արդեն չի տեղավորվում պարկի մեջ: Ճշմարտությունը խավարի մեջ չի մնում: «Սրերի մնացորդների» շշուկներն այլևս բարձրաձայնվում են: Հրանտը միշտ ասում էր, որ այս հարցը քննարկելիս պետք է անդրադառնալ ոչ միայն զոհերին, այլ նաև ողջերին»,- ասել է նա: