Լեպսը կապ ունի՞ մաֆիայի հետ

Ռուսական էստրադայի հայտնի ներկայացուցիչ Գրիգորի Լեպսը հայտնվել է մաֆիայի հետ կապ ունենալու մեջ կասկածվող 10 անձանց թվում, ովքեր  ներառվել են ԱՄՆ ֆինանսների նախարարության կողմից կազմված ցուցակում: Նրանք կասկածվում են արևելաեվրոպական հանցավոր Brothers' Circle կազմակերպության հետ առնչություն  ունենալու մեջ. հայտնում է РИА Новости-ն:

Լեպսը Комсомольской правда-ին տված հարցազրույցում մեկնաբանել է տվյալ տեղեկությունը՝ այն զառանցանք համարելով: «Դա ուղղակի հիմարություն է և շատ անսպասելի հիմարություն: Ինչպե՞ս կարող էին այդ մարդիկ ինձ այդ ցուցակում ընդգրկել: Ես օրինապաշտ քաղաքացի եմ: Եթե ԱՄՆ ֆինանսների նախարարությունը կարծում է, որ ես հանցագործ եմ, ապա թող նախ Ֆրենկ Սինատրային հանի հողի տակից և բանտ նստեցնի: Դա նույնպիսի անհեթեթություն է, ինչ իմ դեմ առաջադրված մեղադրանքները»: