Պատվիրակությունների կազմավորման կարգը հայտնի է

ԱԺ նախագահ Հովիկ Աբրահամյանը երեկ ստորագրել է միջազգային խորհրդարանական կազմակերպություններում հայկական պատվիրակությունների կազմավորման կարգը:

Ըստ այդ կարգի՝ Պատվիրակության փոխարինող կազմից որեւէ անդամի գործուղման նպատակահարմարությունը յուրաքանչյուր դեպքում որոշում է Ազգային ժողովի նախագահը' կախված տվյալ միջազգային խորհրդարանական կազմակերպության օրակարգային  հարցերից: Պատվիրակությունների ղեկավարներին եւս նշանակում է Ազգային ժողովի նախագահը' համապատասխան Պատվիրակության կազմից:

Միջազգային խորհրդարանական կազմակերպության հանձնաժողովներում պատվիրակության անդամների ներգրավվածության հարցը որոշում է Ազգային ժողովի նախագահը, եթե միջազգային խորհրդարանական կազմակերպության կանոնադրությունը թույլ է տալիս:

Ազգային ժողովի նախագահը Պատվիրակությունների կազմերում իր հայեցողությամբ  կարող է ընդգրկել նաեւ Ազգային ժողովի խմբակցություններում եւ պատգամավորական խմբերում չընդգրկված պատգամավորների:

Միջազգային խորհրդարանական կազմակերպություններում հայկական պատվիրակությունների կազմավորման կարգին ծանոթացեք այստեղ: