Ավտովթարի հետեւանքով մահացել է Երվանդ Ենգիբարյանը

Երեկ՝ հոկտեմբերի 22-ին, ողբերգական ավտովթար է տեղի ունեցել Երևանում: Ժամը 05:00-ի սահմաններում Ավան վարչական շրջանի Թումանյան թաղամասի 6/2 շենքի բնակիչ 30-ամյա Երվանդ Ենգիբարյանը, իր կողմից վարած Mercedes մակնիշի 27 ՕՏ 077 համարանիշի ավտոմեքենայով Միասնիկյան պողոտայում՝ «Ջրաշխարհ»-ի դիմաց, դուրս է եկել ճանապարհի երթևեկելի գոտուց, բախվել էլեկտրասյանը և գլխիվայր շրջվել: Shamshyan.com կայքի տեղեկացմամբ, պատահարի հետեւանքով Ենգիբարյանը մահացել է:

Ի դեպ, Ենգիբարյանը Ստանիսլավսկու անվան ռուսական դրամատիկական թատրոնի դերասան էր, ով նաեւ խաղացել էր «Սպանված աղավնի» եւ «Քայլ ձիով» ֆիլմերում: Երեկ նրա ծննդյան օրն է եղել:

Վթարի հետեւանքով ավտոմեքենայի ուղևորուհի՝ ՌԴ քաղաքացի, 34-ամյա Մարիամ Սարգսյանը, մարմնական վնասվածքներով տեղափոխվել է Սուրբ Գրիգոր Լուսավորիչ բժշկական կենտրոն:

Մանրամասները` այստեղ: