Freedom House-ը կոչ է անում ԵՄ-ին պատժամիջոցներ կիրառել ադրբեջանցի պաշտոնյաների հանդեպ

Ադրբեջանում հոկտեմբերի 9-ին կայացած նախագահական ընտրությունների ժամանակ արձանագրված խախտումները վերջնականապես խաթարեցին այդ երկրի իշխանությունների հանդեպ վստահությունը:

Սրանից ելնելով՝ Freedom House միջազգային իրավապաշտպան կազմակերպությունը կոչ է արել ԵՄ-ին պատժամիջոցներ կիրառել ադրբեջանցի պաշտոնյաների դեմ:Կազմակերպությունը մասնավորապես հորդորում է Եվրամիությանն առավել լուրջ վերաբերվել ժողովրդավարության ու մարդու իրավունքների հարցերին և դադարեցնել Ադրբեջանի պաշտոնատար անձանց համար մուտքի արտոնագրերի պարզեցման շուրջ բանակցությունները:

Կազմակերպությունը հիմնվել է ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) հոկտեմբերի 9-ի նախագահական ընտրությունների վերաբերյալ զեկույցի վրա: