"Օրենքով գողեր" եղել են միայն Շևարնաձեի, և այժմ՝ Իվանիշվիլիի օրոք. Սահակաշվիլի

Օրինախախտներ կարող են լինել ցանկացած իշխանությունների օրոք, սակայն «օրենքով գողեր» Վրաստանում եղել են միայն Էդուարդ Շևարդնաձեի օրոք և այժմ, երբ երկրի կառավարության ղեկավարն է  Բիձինա Իվանիշվիլին: Այդ մասին հայտարարել է Վրաստանի նախագահ Միխեիլ Սահակաշվիլին՝ անդրադառնալով 16-ամյա կալանավոր Գոգի Ձվելայայի մահվանը. գրում է Новости-Грузия-ն:

Սահակաշվիլին նախօրեին հադիպել է բանտում մահացած 16-ամյա կալանավոր Գոգի Ձվելայայի ընտանիքի հետ: Ձվելայան գողության մեղադրանքով էր ձերբակալվել և երկու օր անց պետք է ազատ արձակվեր գրավի դիմաց: Նախնական վարկածի համաձայան՝ Ձվելայան ինքնասպանություն է գործել, սակայն տղայի ընտանիքը կարծում է,որ սպանություն է տեղի ունեցել: