Արդեն ընտրում ենք ոչխարի մսով

Սյունիքի մարզի թիվ 38 ընտրատարածքում ժամը 20:00-ին ավարտվել է մեծամասնական ընտրակարգով ԱԺ արտահերթ ընտրությունների քվեարկությունը: Գրանցվել է ցածր՝  50,3% մասնակցություն: Ընդհանուր 50370 ընտրողներից ընտրությանը մասնակցել է 25337-ը:

Սյունեցիները ընտրություն են կատարել ՀՀԿ անդամ Արմեն Կարապետյանի եւ «Ժառանգություն» կուսակցության անդամ, ազատամարտիկ Սամվել Հայրապետյանի միջեւ:

Սամվել Հայրապետյանը ընտրակաշառք բաժանելու դեպքերի առթիվ դիմել է ոստիկանություն: Նրա խոսքերով` մի քանի դեպքեր կան 5-10 հազար դրամ ընտրակաշառքի: Ընտրակաշառքի բաժանումը, ըստ նրա, սկսվել է նախորդ օրը: Բաժանել են նաեւ ոչխարի միս, յուրաքանչյուր ընտրողին՝ երկու-երեք կիլոգրամ:

Խոսվում է նաեւ վարչական ռեսուրսի անխնա օգտագործման մասին: