''ԶԻԼ''-ը հարվածել է նստացույց անող երիտասարդների մեքենաներին

Քաղաքապետարանի մոտ արդեն 56 օր է` նստացույց է ընթանում` պաշտոնյաներ Հենրիկ Նավասարդյանի և Միսակ Համբարձումյանի պաշտոնանկության պահանջով:

Այս գիշեր` ժամը 02:30-ի մոտակայքում, 35LO913 համարանիշով «ԶԻԼ» մակնիշի մեքենան հարվածել է նստացույց անող երիտասարդներ Վահագն Մինասյանի և Կարեն Հարությունյանի մեքենաներին, որոնք կայանված են եղել Երևանի քաղաքապետարանի դիմաց. հայտնում է ակտիվիստ Թեհմինե Ենոքյանը:

Միջադեպի ականատեսների վկայությամբ` «ԶԻԼ» մեքենայի վարորդը, մինչ մեքենաներին մոտենալը, դանդաղեցրել է արագությունը և հետո, մոտենալով նստացույցավորների մեքենաներին, հարվածել: ՃՈ-ն որոշում է կայացրել, որ մեքենաները պետք է տեղափոխվեն տուգանային հրապարակ` որպես իրեղեն ապացույց: 
Մանրամասները՝ տեսանյութում: