Վահան Հովհաննիսյանի` դեսպան նշանակվելը ՀՅԴ-ին չի կաշկանդելու

ՀՅԴ-ն իշխանության հետ կոալիցիա չի կազմելու. խորհրդարանում լրագրողների հետ այսօրվա  ճեպազրույցի ժամանակ հայտարարեց ԱԺ ՀՅԴ խմբակցության ղեկավար Արմեն Ռուստամյանը:

Ինչ վերաբերում է Վահան Հովհաննիսյանի` դեսպան նշանակվելուն, ապա ՀՅԴ-ն արդեն պարզաբանումներ տվել է, եւ դա կոալիցիայի հետ կապ չունի:

«Դաշնակցությանը դա որեւէ կերպ չի կաշկանդելու: Եթե անհամատեղելի իրավիճակ առաջանա, ապա դա չեն հանդուրժի ո՛չ Դաշնակցությունը, ո՛չ ինքը՝ Վահան Հովհաննիսյանը»,- ասաց Արմեն Ռուստամյանը: Նրա խոսքերով` Վահան Հովհաննիսյանի` դեսպան դառնալուց հետո էլ ՀՅԴ-ն կշարունակի մնալ ամենասկզբունքային քաղաքական ուժը։

Արմեն Ռուստամյանը անհրաժեշտ է համարում շատ ավելի լուրջ եւ հաշվարկված գործողությունների ծրագրի իրականացումը, որպեսզի դարձյալ պատմական սխալ չգործենք։