Թուրքական քաղաքում Ցեղասպանության զոհերի հիշատակին նվիրված հուշարձան է կանգնեցվել

Երեկ` սեպտեմբերի 12-ին, Թուրքիայի Դիարբեքիր նահանգի Սուր քաղաքում հանդիսավորությամբ բացվել է Ընդհանուր խղճի հուշարձանը` նվիրված Հայոց եւ Ասորիների ցեղասպանության զոհերի հիշատակին. գրում է Armenian Weekly-ը:

Արարողության ժամանակ Սուրի քաղաքապետ Աբդուլլահ Դեմիրբաշն ասել է. «Մենք` քրդերս, մեր նախնիների անունից ներողություն ենք խնդրում 1915 թվականին հայերի եւ ասորիների ցեղասպանության համար: Մենք կշարունակենք մեր պայքարը` նրանց փոխհատուցում ապահովելու համար»: Քաղաքապետը կոչ է ուղղել Թուրքիայի իշխանություններին` նույնը անել:

Հուշարձանի վրա վեց լեզվով, այդ թվում` հայերենով, գրված է. «Մենք կիսում ենք ցավը, որպեսզի այն այլեւս չկրկնվի»: