Ինքներդ ցույց եք տալիս, որ, որպես իշխանություն, այլեւս սպառված եք

Սերժ Սարգսյանը դիմում է խաղաղ ցույցերը ճնշելու ամենատարբեր միջոցների` օգտագործելով քրեածին բանդաների դաժան հարձակումները եւ ծեծի ենթարկելով առանձին ակտիվիստների. Այսօր` ԱԺ հայտարարությունների ժամին, ասաց ԱԺ ՀԱԿ պատգամավոր Լեւոն Զուրաբյանը:

Պատգամավորն, իր հայտարարության մեջ առանձին-առանձին հիշատակելով ծեծի ենթարկված ակտիվիստների անունները, հիշեցրեց, որ վայրագությունները տեղի են ունենում Երեւանի կենտրոնական փողոցներում, իսկ ոստիկանության պահվածքը վկայում է, որ ստանձնել է ոչ թե քաղաքացիներին ավազակներից պաշտպանելու, այլ նրանց օժանդակելու դերակատարություն:

«Օգտվելով նման մեթոդներից, դուք ինքներդ ցույց եք տալիս, որ, որպես իշխանություն, այլեւս սպառված եք»,- նշեց պատգամավորը: