ԱԺ նախագահը ճիշտը չի՞ ասում. Բիշարյանը մատնեց

ԱԺ նախագահ Հովիկ Աբրահամյանն այսօր ԱԺ նիստի մեկնարկին հայտարարեց, որ նախքան համաձայնության գալը Սերժ Սարգսյանը հարցը քննարկել է կոալիցիայի հետ:

Yerkir.am-ը ԱԺ ՕԵԿ խմբակցության ղեկավար Հեղինե Բիշարյանից ԱԺ-ում փորձեց ճշտել, թե ե՞րբ է եղել այդ հանդիպումը, ինչպիսի՞ հարցեր են քննարկվել, եւ ո՞րն է եղել ՕԵԿ-ի դիրքորոշումը: Բիշարյանի պահվածքն առավել քան ուշագրավ էր: Ի պատասխան մեր պարզ հարցերին, նա հայտարարեց, որ Հովիկ Աբրահամյանի ասածները չի մեկնաբանում: Պատգամավորը լուռ լսում էր եւ բառ անգամ չէր արտասանում:

«Իսկ հանդիպում, առհասարակ, եղել է»,- կրկին հարցրեցինք`  Բիշարյանից մեկ բառ գոնե պոկելու հույսով: Նա անդրդվելի էր, սակայն նրա պահվածքից մեկ բան էր պարզ` որեւէ հանդիպում  չի եղել, Բիշարյանն էլ կա'մ չէր կարողանում ստել, կա'մ էլ դեռ չէր հստակեցրել, թե ինչ պետք է ասի: