Սերժ Սարգսյանն իր լռությամբ նախապատրաստել էր ճնշումները

Հայաստանի` Մաքսային միություն մտնելու մասին` Սերժ Սարգսյանի երեկվա հայտարարությունը ԱԻՄ նախագահ Պարույր Հայրիկյանի համար անակնկալ չէր: Այս մասին նա Yerkir.am-ին հայտնեց Բաղրամյան 26-ի մոտ անցկացված բողոքի ակցիայի ժամանակ` ուղղված Հայաստանի` Մաքսային միությանը անդամակցելու որոշման դեմ:

Մեր այն հարցին` հնարավո՞ր է Սերժ Սարգսյանի վրա ճնշումներ են եղել, եւ  այդ պատճառով է նա գնացել նման քայլի, Հայրիկյանը պատասխանեց. «Ճնշումները լինում են նրանց վրա, ովքեր նախապատրաստում են այդ ճնշումները»:

«Իսկ Սերժ Սարգսյանը նախապատրաստե՞լ էր այդ ճնշումները» ճշտող հարցին Հայրիկյանը պատասխանեց. «Իր լռությամբ` այո'»:

Պարույր Հայրիկյանը համարում է, որ երկրում հարցի վերաբերյալ հանրաքվե պետք է անցկացվեր:

Մանրամասները` Yerkir.am-ի տեսանյութում: