″Եթե բոլորը…″` Շուկշինյան 15-րդ փառատոնի մրցանակակիր

Ալթայում անցկացվող ամենամյա Շուկշինյան համառուսաստանյան 15-րդ կինոփառատոնի գլխավոր մրցանակը`առաջին անգամ փառատոնի պատմության մեջ, միաժամանակ տրվել է երկու ֆիլմի. ավանդական ռեւնեւյան հասպիսե (յաշմա) գավաթները շնորհվել են Ալեքսանդր Կաստկինի եւ Նատալյա Նազարովայի «Աղջիկը» ու Նատալյա Բելյաուսկենեի եւ Միքայել Պողսյանի «Եթե բոլորը…» ֆիլմերին:

Հիշեցնենք, որ արդեն 15 տարի է` Ալթայում այս փառատոնը իրականացվում է «Շուկշինյան օրերի» շրջանակներում: Ամեն տարի մեծ գրողի երկրպագուները հավաքվում են այստեղ` մեծարելու նրա հիշատակը:

Գլխավոր մրցանակի համար ներկայացված են եղել նաեւ Նիկոլայ Լեբեդեւի «Լեգենդ թիվ 17», Սերգեյ Լոզնիցայի «Մշուշում», Պավել Պարխոմենկոյի «Գագարին. առաջինը տիեզերք», Ալեքսանդր Կարպիլովսկու «Մասնավոր պիոներական» ֆիլմերը: