SOCAR-ի աշխատակցուհիները դժգոհում են սեռական ոտնձգություններից

Ադրբեջանական պետական նավթային ընկերության աշխատակցուհիները դժգոհում են ղեկավարության կողմից սեռական ոտնձգությունների դեմ: Այդ մասին virtualaz.org կայքին հայտնել է նավթարդյունահանողների իրավունքների պաշտպանության կազմակերպության ղեկավար Միրվարի Ղահրամանլըն:

«Բողոքներում ասվում է, որ ընկերության պատասխանատու աշխատակիցների մեծ մասը սիրուհիներ ունի, որոնք արտոնություններից են օգտվում: Իսկ կանայք, ովքեր փորձում են խուսափել որոշ ղեկավարների սեռական ոտնձգություններից, ճնշումների են ենթարկվում»,- ասել է նա` չմանրամասնելով, թե քանի դիմում-բողոք են ստացել ընկերության աշխատակցուհիներից, նշելով, սակայն, որ շատացել են սեռական խտրականության դրսեւորումները: