Երբ Արարատ լեռան դիմաց նկարվելը հեռավոր երազանք է

Կինոռեժիսոր Սարո Վարժապետյանի «Ջրից հետո ավազ է մնում» ֆիլմն առաջադրվել է «Ոսկե ծիրան» կինոփառատոնի «Հայկական համայնապատկեր» անվանակարգում:

Լրագրողների հետ զրույցում Վարժապետյանը նշեց, որ դերերում խաղում են Մարջ Կիրկոստաս-Թելելյանը, Լեսլի Քալարչյանը, Լուսին Ժամկոչյանը, Կարինե Քոչարյանը:

Ֆիլմը պատմում է այն մասին, թե ինչպես է Թամարը` 80-ամյա մի այրի, այցելում իր հայրենիք` Հայաստան, որպեսզի կատարի վերջերս մահացած ամուսնու վերջին կամքը` ընտանիքով լուսանկարվի Արարատ լեռան դիմաց: Սակայն, ինչպես նշեց Վարժապետյանը, Հայաստան հասնելուն պես` նրանք անակնկալի են գալիս` պարզելով, որ Թամարի ցանկությունը` լուսանկարվելը, այնքան էլ հեշտ չի լինի:

«Երկու տարի առաջ եմ ֆիլմը նկարահանել: Հիմնական գաղափարն այն է, որ մարդիկ պետք է գտնեն իրենց ինքնությունը, վերադառնան հայրենիք»,- ասաց Վարժապետյանը: