Ինչպե՞ս է Սերժ Սարգսյանը նշել իր ծնունդը.''Ժողովուրդ''

Հունիսի 30-ին լրացավ Սերժ Սարգսյանի 59-ամյակը: Թեև ՀՀ նախագահի մամլո խոսնակ Արման Սաղաթելյանը հայտարարեց, որ Ս. Սարգսյանն իր ծննդյան արարողությունը նշելու է ընտանեկան միջավայրում, այնուամենայնիվ, «Ժողովուրդ»-ին հայտնի է դարձել, որ նա այնքան էլ փոքր խնջույք չի կազմակերպել:

Թերթը գրում է, որ համենայն դեպս, ՀՀԿ առաջնորդի ծննդյան արարողությանը մասնակցել են ոչ միայն մի խումբ գործարարներ, այլև կառավարության մի քանի անդամներ, պատգամավորներ Առաքել Մովսիսյանը' Շմայսը, Աշոտ Աղաբաբյանը՝ Բուռնաշը, և անգամ Երևանի քաղաքապետ Տարոն Մարգարյանը: Ականատեսների վկայությամբ՝ սրտանց քեֆ անողների թվում ամենաակտիվը եղել է Ս. Սարգսյանի թիկնազորի պետ, գեներալ Վաչիկ Ղազարյանը: