Մեկնարկում է ըմբշամարտի` Եվրոպայի երիտասարդական առաջնությունը

Հուլիսի 2-7-ը Մակեդոնիայի Սկոպյե քաղաքում կանցկացնի Ըմբշամարտի Եվրոպայի երիտասարդական առաջնությունը:

Հայ ըմբիշները  գրեթե  ավարտել են նախապատրաստական մարզումները:

Առաջինը հանդես կգան հունահռոմեական ըմբիշները, այնուհետև` հուլիսի 4-ից մրցագորգ դուրս կգան ազատ ոճայինները:

Yerkir.am-ի հետ զրույցում` ըմբշամարտի Հայաստանի ազատ և հունահռոմեական ոճի հավաքականների գլխավոր մարզիչներ` Ավետիք Գրիգորյանը և Արմեն Բաբալարյանը նշեցին, որ մարզիկները   պատրաստ են առաջնությանը:

Ըմբիշներից  ոչ ոք լուրջ վնասվածքներ և քաշի հետ խնդիրներ չունի: Միակ խնդիրը թերևս կանոնների փոփոխություններն են: Գործնականում կանոններին ծանոթ են, սակայն բուն էությունը կհասկանան առաջնության ժամանակ:

Հունահռոմեական ոճի ըմբիշները Սկոպյե կմեկնեն վաղը երեկոյան, իսկ ազատ ոճայինները` քիչ ավելի ուշ: