Հայ ուսանողները Հորդանանում սովորելու հնարավորություն կունենան

ՀՀ ԿԳ նախարար Արմեն Աշոտյանը 3-օրյա այցով գտնվում էր Հորդանանում:

Նախարարը տեղեկացնում է, որ շնորհիվ Ամմանում ստորագրված պայմանագրի` հայ ուսանողները հնարավորություն կունենան իրենց ուսումը շարունակել Հորդանանում` «Արաբագիտություն», «Արաբերեն լեզու», «Իսլամագիտություն» և մի շարք այլ մասնագիտություններով:

«Ժամանակը շատ սուղ է: Թեպետ ԿԳՆ-ն դեռ պաշտոնական մրցույթ կհայտարարի (խնդրում եմ հետևել մեր կայքէջին), սակայն ուզում եմ օր առաջ ձեզ տեղեկացնել, որպեսզի ցանկացողները վաղօրոք կողմնորոշվեն: Մի կորցրեք Հայաստանի համար այս կարևոր մասնագիտություններով կրթություն ստանալու հնարավորությունը»,- ասում է նախարարը եւ հավելում, որ խոսքը գնում է մագիստրատուրայի և ասպիրանտուրայի մասին: