Անկարայի քաղաքապետը սպառնացել է BBC-ի թղթակցին

Բրիտանական BBC մեդիակորպորացիան Անկարայի քաղաքապետ Իբրահիմ Մելիխ Գեկչեկին մեղադրել է իր լրագրողներից մեկին սպառնալու մեջ:

Ընկերության հայտարարության մեջ ասվում է, որ BBC-ի թուրք թղթակից Սելին Գիրիթը սոցիալական ցանցերում հարձակումների է ենթարկվել Անկարայի քաղաքապետի կողմից` բողոքի ակցիաները լուսաբանելու համար: Արդյունքում լրագրողուհին ստացել է սպառնալիքներով բազմաթիվ հաղորդագրություններ:

Մեդիակորպորացիան թուրքական իշխանություններին կոչ է արել լրագրողներին ուղղակիորեն ճնշելու փոխարեն օգտվել BBC-ի հատուկ ծառայություններից: Լրագրողների բրիտանական ազգային միությունը նույնպես դատապարտել է թուրքական իշխանություններին լրագրողներին վախեցնելու համար: