Անբարեխիղճ մրցակիցը. ՛՛Ժողովուրդ՛՛

Ըստ «Ժողովուրդ»-ի տեղեկությունների՝ անբարեխիղճ մրցակցության համար երեկ տուգանվել է «Ռոբերտո» հագուստի և կոշիկների խանութների ցանցը, ընդ որում պատժվել է առավելագույն' իր նախորդ տարվա հասույթի 1 տոկոսի չափով: Նման որոշում է կայացրել ՀՀ տնտեսական մրցակցության պաշտպանության պետական հանձնաժողովը:

«Նման բան շուկայում շատ է պատահում, դրա համար հանձնաժողովը որոշել է խիստ մոտեցում ցուցաբերել, որպեսզի մյուսների համար դաս լինի»,- թերթին ասել է հանձնաժողովի խոսնակ Գայանե Սահակյանը: 

Անբարեխիղճ մրցակցությունը դրսևորվել է խանութի կողմից հայտարարված զեղչերով: Բանն այն է, որ «Ռոբերտո» խանութը հայտարարել է 50 տոկոսի զեղչ, սակայն այն ամբողջությամբ իրականությանը չի համապատասխանել, և ոչ բոլոր ապրանքատեսակներն են զեղչված եղել: Իսկ թե ինչքան տուգանքի է ենթարկվել խանութը, խոսնակը չի մանրամասնել: