Մոնսերատ Կաբալիեի համերգին հնչեց հայկական ստեղծագործություն

Երեկ Ալ. Սպենդիարյանի անվան օպերայի եւ բալետի ազգային ակադեմիական թատրոնում տեղի ունեցավ աշխարհահռչակ օպերային մեներգիչ Մոնսերատ Կաբալիեի համերգը:

Համերգին ներկա էին ՀՀ առաջին տիկինը, վարչապետը, մշակույթի եւ սփյուռքի նախարարները, մշակույթի գործիչներ:

Կաբալիեի հետ բեմում էր Հայաստանի պետական ֆիլհարմոնիկ նվագախումբը: Համերգը ղեկավարում էր անվանի դիրիժոր Ռամոն Տեբարը: Ելույթով հանդես եկան նաեւ Կավալիեի դուստրը` Մոնսերատ Մարտին, ինչպես նաեւ մեցցո սոպրանո Ագոստինա Սմիմերոն, բարիտոն Դավիթ Բաբայանցը: Հնչեցին Հենդելի, Օֆենբախի, Պուչինիի, Խիմենեզի ստեղծագործություններից:

Համերգի վերջում հնչեց մեկ հայկական ստեղծագործություն` Գոհար Գասպարյանի «Երեւան» ստեղծագործությունը կատարեց Մոնսերատ Մարտինը: