Հարավային Օսիայի սահմանի հարցում Վրաստանի դիրքորոշումը սկզբունքային է. Ուսուպաշվիլի

Վրացական իշխանությունների դիրքորոշումը Հարավային Օսիայի` Վրաստանի հետ սահմանի ամրացման հարցում սկզբունքային է. լրագրողներին հայտարարել է երկրի խորհրդարանի նախագահ Դավիթ Ուսուպաշվիլին:

Վրաստանի ԱԳՆ-ն պնդում է, որ ռուսաստանցի սահմանապահները սահմանին արգելափակոցներ են տեղադրել` փշալարով, նույնիսկ որոշ հատվածներում սահմանգիծը խորանում է Վրաստանի տարածքը:

«Հավանորեն, փորձ է արվում սադրել նոր իշխանություններին ինչ-որ զգացմունքային արձագանքների: Վարչապետը խոսել է այդ մասին, եւ ես ցանկանում են հաստատել, որ մեր դիրքորոշումը սկզբունքային է»,- ըստ Новости-Грузия-ի` նշել է Ուսուպաշվիլին: Նրա խոսքերով` այդ հարցում Վրաստանը պետք է գործի ՆԱՏՕ-ի եւ եվրոպական գործընկերների հետ համատեղ: