Ջահերով երթ` ի հիշատակ Կոստանդնուպոլսի անկման

Հունական ծայրահեղ աջ «Ոսկե արշալույս» կուսակցության ներկայացուցիչների ջահերով երթ են կազմակերպել` ի հիշատակ Բյուզանդական կայսրության մայրաքաղաք Կոստանդնուպոլսի անկման. տեղեկացնում է РИА Новости-ն:

Երեկ երեկոյան Աթենքի Միտրոպոլիս հրապարակում հավաքվել է մի քանի հազար մարդ` հարգելու համար Պոլսի պաշտպանական մարտերում զոհված բյուզանդական վերջին կայսր Կոնստանտին Պալեոլոգի հիշատակը: Ելույթ ունեցողները, այդ թվում` հունական խորհրդարանի պատգամավորներ, «ազգային դիմադրության» կոչ են արել` պահանջելով երկիրն ազատել միգրանտներից: Նրանք Հունաստանի ներկայիս վիճակը համեմատել են Կոստանդնուպոլսի անկման հետ:

«Ոսկե արշալույս»-ը համարվում է նեոնացիստական կուսակցություն, սակայն հարցումները ցույց են տալիս, որ այն երրորդ տեղում է իր հեղինակությամբ: