Ի՞նչ եղան Ստամբուլի ''Դիվան'' հյուրանոցի տեղոմ գտնված հայկական գերեզմանաքարերը

Քրդական «Խաղաղություն և ժողովրդավարություն» կուսակցության` Ստամբուլից ընտրված պատգամավոր Սըրը Սյուրեյա Օնդերը «Հաբերթյուրք» հեռուստաալիքով հեռարձակվող «Դեմ առ դեմ» հաղորդման ընթացքում բարձրացրել է Ստամբուլում գտնվող «Դիվան» հյուրանոցի կառուցումից առաջ տվյալ վայրում եղած հայկական գերեզմանատան քարերի հարցը: Այդ մասին հաղորդում է Akunq.net-ը` հղում անելով թուրքական լրատվամիջոցներին:

Պատգամավորը պնդել է, թե հայկական գերեզմանոցից տեղաշարժված մարմարե գերեզմանաքարերը Թաքսիմ հրապարակի զբոսայգու կառուցման ժամանակ օգտագործվել են այգու ճանապարհների համար:

Սըրը Սյուրեյա Օնդերը, նշելով, որ Ստամբուլի Բեյօղլու և Թաքսիմ շրջաններն այն ժամանակ լիուլի են եղել գերեզմաններով, նաև շեշտել է, թե «Քոչ» ընկերությունը` ի նշան հայ հանգուցյալների և ներկայում ապրող վերջիններիս զավակների հարգանքի, գոնե պետք է մի փոքրիկ սյուն տեղադրի հյուրանոցի այգում: