՛՛Սպայկա՛՛-ն պարտքեր ունի

«Ժողովուրդ»-ի տեղեկություններով, մայիսի 16-ին հրդեհված «Սպայկա» ընկերությունը մոտ 50 միլիոն դրամ պարտք է եղել Գեղարքունիքի մարզի բնակիչներին, որոնցից կարտոֆիլ է մթերել: Ընկերության պահեստների հրդեհից հետո տնօրինությունը անելանելի վիճակում է, ու դեռ պարզ չէ, թե ինչպես կարող են վերադարձնել գյուղացիների պարտքերը: Մինչեւ ընկերության հրդեհվելը «Սպայկա»-ն խոստացել էր քիչ-քիչ մարել գումարը: 

Երեկ Գեղարքունիքի մարզի գյուղատնտեսության վարչության պետ Վանիկ Հովհաննիսյանը «Ժողովուրդ»-ի հետ զրույցում ասել է, թե ընկերությունը մարում է գյուղացիների պարտքը: «Այժմ 9.5 միլիոն դրամ է մնացել»,-նշել է թերթի զրուցակիցը: «Ժողովուրդ»-ը պարզել է նաեւ, որ «Սպայկա»-ն 7 համայնքի բնակիչների դեռ պարտք է: